BAKI, 14 iyun — Sputnik. Bakı-Sumqayıt yolunun Ceyranbatan qəsəbəsindən keçən hissəsində qadın meyiti tapılıb.
Sputnik Azərbaycan-ın əldə etdiyi məlumata görə, Bakı-Sumqayıt yolunun Ceyranbatan qəsəbəsindən keçən hissəsində, "Türkan" kafesinin yaxınlığında qadın meyiti aşkarlanıb. Ölən şəxsin 1986-cı il təvəllüdlü, Sumqayıt şəhər, Betonzavod yaşayış massivinin sakini Əliyeva Sevinc Ramazan qızı olduğu məlum olub. Dünyasını dəyişmiş şəxsin sərxoş olduğu bildirilir.
Sumqayıt Şəhər Polis İdarəsində faktla bağlı araşdırma aparılır.