Nigar Məhərrəm, Sputnik Azərbaycan
BAKI, 11 iyun — Sputnik. Bakının Xətai rayonunda, Zığ yolu adlanan ərazidə avtoqəza baş verib. Sputnik Azərbaycan-a Səhiyyə Nazirliyindən daxil olan məlumata görə, 104 saylı marşrut avtobusunun evakuatorla toqquşması nəticəsində 4 nəfər yaralanıb.
43 və 34 yaşlı iki yaralı qadın 3 saylı Şəhər klinik Xəstəxanasına, 50 yaşlı qadın 1 saylı Klinik Tibbi Mərkəzə, 35 yaşlı qadın isə Respublika Neyrocərrahiyyə Xəstəxanasına yatırılıb.
Nazirliyin məlumatına görə, xəsarət alan qadınlara bədənin müxtəlif nahiyələrinin travmaları diaqnozu qoyulub.