CƏMİYYƏT
Cəmiyyətin həyatında baş verən aktual hadisələr

Ölkəyə qaçaqmal keçirilməsinin qarşısı alınıb

Nəqliyyat vasitəsinin salonunda 3800 ədəd siqaret, 10 ədəd "Nemiroff 1L" markalı araq aşkar olunub
Sputnik

BAKI, 10 iyun — Sputnik. Qərb Ərazi Baş Gömrük İdarəsinin Əməliyyat və Təhqiqat İdarəsinin Əməliyyat şöbəsinə daxil olan məlumat əsasında, idarənin "Qırmızı Körpü" gömrük postunda Gürcüstandan gələn, Azərbaycan Respublikası vətəndaşının idarə etdiyi "Vaz 21154" markalı avtomobil saxlanılıb və gömrük baxışı keçirilib.

"Gömrük işi"-ni Rusiyada oxumaq istəyənlər üçün fürsət

Bu barədə Sputnik Azərbaycan-a Dövlət Gömrük Komitəsindən məlumat verilib.

Bildirilib ki, baxışdan öncə, vətəndaş üzərində və idarə etdiyi nəqliyyat vasitəsində gömrük nəzarətindən gizlədilən hər hansı predmetin olmadığını bildirib. Daha sonra avtomobilə baxış keçirilib. Baxış zamanı nəqliyyat vasitəsinin salonunda 3800 ədəd "Parliament Carat" markalı siqaret, 10 ədəd "Nemiroff 1L" markalı araq aşkar olunub.

Faktla bağlı araşdırma aparılır.