Məşhur azərbaycanlı müğənni Günay İbrahimli özünün yay fotosessiyasını təqdim edib.
Müğənninin Sputnik Azərbaycan-a bildirdiyinə görə, o, bu dəfə fotokameralar qarşısına üç müxtəlif obrazda çıxıb.
"Bu dəfə mən dünya trendlərinə uyğunlaşmağa çalışmışam və daha rəngli obrazlara üstünlük vermişəm. Geyimləri özüm seçmişəm, makiyajımı Lamiyə Ağababayeva, saç düzümümü isə Aygün Məmmədova edib. Şəkillər çox xoşuma gəlib", - deyə İbrahimli bildirib.
Şəkillərin müəllifi Toğrul Qurbanovdur.
Günay İbrahimli "Yeni ulduz" musiqi müsabiqəsinin finalçısıdır. O, yaradıcılığında uzun müddət fasilə verdikdən sonra, bu yaxınlarda yenidən səhnəyə qayıtmaq qərarına gəlib.
İbrahimli bir çox gənc həmkarı ilə duet oxuyub. O, hazırda yerli şou-biznesdə ən çox tələb olunan müğənnilərdən biridir.