BAKI, 7 iyun — Sputnik. Türkiyənin İqdır şəhərində Mühafizə Polisinin rəisi Erdal Bagane 1990-cı ildə tanış olduğu və sevdiyi Azərbaycanın keçmiş prezienti Heydər Əiyevin adı verildiyi parkda olan büstümü hər ay boyayaraq, təmizləyir.
Bu barədə Sputnik Azərbaycan Türkiyə mətbuatına istinadla xəbər verir.
"İnşallah bir gün gedib prezident İlham Əliyevə böyüyüm Heydər Əliyevlə olan xatirələrimi danışaram. Rəhmətlik Heydər Əliyev İqdıra tez-tez gəlib gedirdi. Həmin dövrdə də Mühafizə Polisinin rəisi idim. Həmin vaxtlar Naxçıvanın vəziyyəti iqtisadi baxımdan yaxşı deyildi. Bələdiyyə sədrimiz Əli Ağrı bəy və İqdır əhalisinin yardımı ilə Naxçıvama 20 TIR ərzaq və dərman aparırdıq. Heydər Əliyev mənə "Erdal balam" deyə xitab edərdi. Nur içində yatsın" - Erdal Bagane H. Əlievlə bağlı xatirələrindən söz açıb.
Qeyd edək ki, İğdır Mərkəz Bağlar Məhəlləsi Dr. Sadiq Ahmet küçəsindəki Heydər Əliyev parkının yeri 1993-cü ildə "Ana Vətən" Partiyasının üzvü olan bələdiyyə sədri Əli Ağrı tərəfindən ayrılıb. 1995-ci ildə isə həmin ərazidə "Ana Vətən" partiyasının üzvü olan digər bələdiyyə sədri Əli Əskər Aşırım tərəfindən park salınıb.