BAKI, 2 iyun – Sputnik. Astarada ağır yol qəzası baş verib.
Sputnik Azərbaycan ONA—ya istinadla xəbər verir ki, qəza rayonunun Bakı-Astara yoluna yaxın olan Vaqo kəndində qeydə alınıb.
Rayonunun dağ kəndlərindən olan Təxtənəkəran kəndi ərazisində, 1970-ci il təvəllüdlü Əbülfət Nurməmməd oğlu Səfərovun idarə etdiyi "Niva" markalı avtomobil yoldan çıxaraq aşıb.
Nəticədə sürücü ilə birgə 4 sərnişin - 1974-cü il təvəllüdlü Səringül Cəlal qızı Səfərova, 1980-ci il təvəllüdlü Nazim Həzrət oğlu Şahmuradov, 2004-cü il təvəllüdlü Aytac Əbülfət qızı Səfərova və 2004-cü il təvəllüdlü Aytəkin Əbülfət qızı Səfərova müxtəlif dərəcəli bədən xəsarətləri alıb. Onlar Lənkəran Rayon Mərkəzi Xəstəxanasına çatdırılıb.
Vəziyyəti daha ağır qiymətləndirilən Aytəkin Səfərova vəfat edib.
Yol qəzasının təfərrüatları araşdırılır.