BAKI, 31 may — Sputnik. Ermənistanın Baş Naziri Nikol Paşinyan mayın 30-u özünün məzuniyyətə göndərilməsi haqqında sərəncam imzalayıb. Bu barədə Sputnik Ermənistan xəbər verir.
Paşinyanın məzuniyyətdə olduğu vaxtda Ermənistanın Baş Naziri səlahiyyətlərini baş nazirin müavini Tiqran Avinyan həyata keçirəcək.
Qeyd edək ki, daha əvvəl "Facebook"-da canlı yayım zamanı işlərdən azad olmaq üçün iyunun əvvəlində bir neçə günlük istirahətə gedəcəyini bildirmişdi.