BAKI, 24 may — Sputnik. Böyük Britaniyanın Baş naziri Tereza Mey bəyan edib ki, iyunun 7-si istefa vermək barədə qərar qəbul edib. Bu barədə Sputnik Azərbaycan "BBC"-yə istinadən xəbər verir.
Onu müvafiq bəyanatla çıxış etməyə Nazirlər Kabinetinin üzvləri də daxil olmaqla eyni partiyadan olan həmkarları məcbur ediblər. Onlar Mey tərəfindən təqdim olunan Avropa İttifaqından çıxmağa dair "Brexit" üzrə plandan narazıdırlar.
Yeni liderin seçilməsi prosesi rəsmi olaraq iyunun 7-dən sonra başlayacaq. Hazırda ən əsas namizəd sabiq Xarici İşlər Naziri Boris Consondur. O, artıq öz namizədliyini irəli sürmək planlarını açıqlayıb.