BAKI, 11 may — Sputnik. Sumqayıtda baş vermiş yol qəzası nəticəsində dünyasını dəyişənlərin şəxsiyyəti məlum olub.
Sputnik Azərbaycan ONA-ya istinadla xəbər verir ki, ölənlər Şabran sakinləri - 1987-ci il təvəllüdlü Nuriyev Vidadi Mövlud oğlu, 1960-cı il təvəllüdlü Qasımov İlham Məmmədtağı oğlu, 1972-ci il təvəllüdlü Məmmədov Amil Seyidbəy oğlu, 1967-ci il təvəllüdlü Musayeva Məhbubə və 1974-cü il təvəllüdlü Musayev Saleh Xəlil oğludur.
Həmin şəxslər "Mercedes" markalı avtomobildə olublar.
Xatırladaq ki, mayın 10-u axşam radələrində Sumqayıtın Tağıyev qəsəbəsində ağır yol qəzası baş verib. "Shacman" markalı yük maşını "Mercedes" markalı minik maşınını vuraraq üstünə çıxıb. Daha sonra minik maşını dərəyə aşıb.
Qəza nəticəsində "Mercedes"də olan 5 nəfər ölüb.