BAKI, 8 may — Sputnik. İran prezidenti Həsən Ruhani danışıqlar üçün Avropa ölkələrinə 60 gün vaxt verib. Bu barədə Sputnik Azərbaycan İranın "Press TV" telekanalına istinadən xəbər verir.
"Avropa ölkələrinin İranla danışıqlar aparmaq üçün 60 günü var", - deyə Ruhani qeyd edib.
Qeyd edək ki, daha əvvəl rəsmi Tehran İranının nüvə razılaşması ilə götürdüyü öhdəliklərin bir hissəsinin yerinə yetirilməsinin dayandırılması haqqında məktubu saziş üzvlərinə göndərib.
"Bu məktublarda onlara bildirdik ki, biz bir il gözlədik... və öz öhdəliklərimizə riayət etdik. Biz nüvə razılaşmasından çıxmaq istəmirik, bu gün razılaşma çərçivəsində yeni addımlar atacağıq", - deyə İran prezidenti Həsən Ruhani televiziyada canlı yayımda bildirib.
Qeyd edək ki, İran və "Altılıq" ölkələri (ABŞ, Almaniya, Britaniya, Fransa, Rusiya və Çin) ölkələrindən razılaşma müqaviləsi 2015-ci il iyulun 15-də imzalanıb.
2018-ci il mayın 8-də ABŞ İranın nüvə proqramı üzrə müqavilədən çıxıb. Bununla bağlı qərarı prezident Donald Tramp imzalayıb. ABŞ İrana yeni saziş bağlanmayana qədər bu ölkəyə qarşı sanksiya tətbiq edəcəyini bildirib.