BAKI, 27 aprel — Sputnik. Bakı şəhər Baş Polis İdarəsi və Bakı Şəhər Prokurorluğu itkin düşmüş məktəblinin tapılması ilə bağlı birgə rəsmi məlumat yayıb.
Sputnik Azəbaycan həmin məlumata istinadən xəbər verir ki, aprelin 26-da Bakı şəhər sakini, 2006-cı il təvəllüdlü Əliyeva Aydan Valeh qızının təhsil aldığı Bakı şəhəri 5 nömrəli məktəbdən çıxaraq naməlum istiqamətə getməsi barədə Nəsimi RPİ-nin 19-cu PŞ-nə müraciət daxil olub. Müraciət əsasında Nəsimi rayonunun polis və prokurorluq əməkdaşları tərəfindən əsasında həyata keçirilmiş əməliyyat-axtarış tədbirləri nəticəsində A.Əliyeva aprelin 27-də tapılaraq ailəsinə təhvil verilib.
Qeyd edək ki, aprelin 26-da Nəsimi rayonu 4-cü mikrorayon ərazisində yerləşən 5 nömrəli məktəbin şagirdi Aydan Əliyeva dərsdən geri qayıtmayıb. A.Əliyeva son dəfə aprelin 27-də səhər saat 5:00 radələrinda Binəqədi rayonu Zərifə Əliyeva parkının yanında gəzərkən yaxınlıqdakı marketin kameralarına düşüb.