ABŞ Prezidenti Donald Tramp Ağ evdə Türkiyənin xəzinə və maliyyə naziri Berat Albayrakı qəbul edib.
Atlas Araşdırmalar Mərkəzinin rəhbəri Elxan Şahinoğlu Sputnik Azərbaycan-a deyir ki, Ağ evdə baş tutmuş bu görüşü sensasiya saymaq olar: “Tükiyə Rusiyadan “S-400” zenit-raket komplekslərini aldığına görə sanksiyalarla və NATO-dan çıxarılmaqla hədələnirdi. Tramp ticarətçidir və Türkiyəni itirmək istəmir. ABŞ-da hərbçilər Türkiyəyə F-35 qırıcı təyyarələrinin satılmamasını da təklif edirlər. Tramp isə ticarətçi kimi anlayır ki, bu addımı atmaq ABŞ-ın milyardlarla dollar itirməsinə səbəb olacaq. Bu görüş həm də Türkiyənin NATO-dan çıxarılacağı ilə bağlı yayılmış şayiələrə də son qoydu”.
Qeyd edək ki, B.Albayrak Beynəlxalq Valyuta Fondu - Dünya Bankı və “Böyük-20”-nin (G-20) toplantılarına qatılmaq üçün ABŞ-da səfərdə olub. D.Trampla görüş bu toplantılar çərçivəsində keçirilib.
Politoloqun geniş şərhinə audiofaylda qulaq asa bilərsiniz