“Azərbaycanla Avropa İttifaqı arasında yeni sazişin 90 faizi razılaşdırılıb”. Bunu Azərbaycanın xarici işlər naziri Elmar Məmmədyarov Brüssel şəhərində Azərbaycan-Avropa İttifaqı Əməkdaşlıq Şurasının 16-cı iclasında çıxışı zamanı deyib.
Politoloq İlqar Vəlizadə Sputnik Azərbyacan-a deyir ki, Azərbaycan və Aİ arasında imzalanması gözlənən sənəd çox vacibdir: “Bu sənəd həm Aİ, həm də Azərbaycan üçün əhəmiyyət daşıyır. Əvvəllərdə Azərbaycan və Aİ arasında müəyyən sənədlər imzalanıb. Ancaq həmin sənədlər başqa tarixi dövrə təsadüf edib. Oan görə də yeni reallıqların mövcud olduğu şəraitdə belə bir sənədin imzalanması vacibdir. Azərbaycan Aİ ilə bərabərhüquqlu tərəfdaşdır və tərəflər münasibətlərini qarşılıqlı maraqlar əsasında qururlar. Bu sənəd imzalanarsa regioanl proeslərə də təsirini göstərəcək. Biz görürk ki, Aİ-nin regionun bəzi ölkələri, xüsusən də Türkiyə ilə problemləri var. Düşünürəm ki, hazırki şəraitdə bizim Aİ ilə münasibətlərimizin yaxınlaşması Türkiyəyə də müsbət təsir göstərə bilər”.
Politoloqun geniş şərhinə audiofaylda qulaq asa bilərsiniz