BAKI, 7 aprel - Sputnik. Böyük Britaniyanın baş naziri parlament və hökumətin Brüsselə razılaşma üzrə kompromisə gəlməyəcəyi halda ölkənin ümumiyyətlə, Avropa İttifaqından çıxmasının mümkün ola bilməyəcəyini bəyan edib.
ONA-nın məlumatına görə, bu barədə T. Meyin ofisi məlumat yayıb.
Baş nazir parlamentin Böyük Britaniyanın Avropa İttifaqından çıxmasına mane olduğunu dərk etməli olduğunu vurğulayıb: “İndi bizim qarşımızda Avropa İttifaqından razılaşma əldə edilmədən çıxmaq, yaxud ümumiyyətlə, Avropa İttifaqının tərkibində qalmaq seçimləri durur. Mən mövqeyimdə qalıram. Biz Brexit-ə nail olmalıyıq və bunun üçün də müqavilə şərtlərini razılaşdırmalıyıq. Parlamentdə mübarizə nə qədər uzun davam etsə, Böyük Britaniyanın Avropa İttifaqının tərkibində qalmaq riski bir o qədər artır. Böyük Britaniya xalqı Avropa İttifaqının tərkibindən çıxmağı dəstəkləyib, buna yol vermək olmaz. Mən bu həftə yenə Brexit-lə bağlı müəyyən vaxt ayrılması üçün Brüsselə səfər edəcəm”.
Qeyd edək ki, T. Mey Böyük Britaniyanın Avropa İttifaqından çıxmasının iyunun 30-ə qədər uzadılması ilə bağlı Brüsselə məktub göndərib. Əgər parlament Brexit-ə dair razılaşmanı dəstəkləyərsə, Böyük Britaniya mayın 23-nə – Avropa Parlamentinə seçkilər keçirilənə qədər Avropa İttifaqından çıxa bilər. Hazırkı razılaşmaya görə isə Böyük Britaniya aprelin 12-dək Avropa İttifaqından çıxmalıdır.
Avropa İttifaqı aprelin 10-də Brexit-lə bağlı təcili sammit keçirəcək.