Novruz qabağı hər çərşənbədə bütün ölkənin həyətlərində eyni mənzərəni seyr etmək olar. Uşaqlar bir neçə gün öncədən topladıqları odunları qalaq-qalaq yığıb, tonqalı alovlandıracaqları anı gözləyirlər.
Bu gün də Sputnik Azərbaycan-ın çəkiliş qrupu eyni mənzərənin şahidi olub. Belə ki, Bakı sakinləri artıq üçüncü çərşənbə olan “Yel çərşənbəsini” qeyd edirlər. Əcdadlarımızın inanclarına görə, çərşənbələrdə qaladığımız tonqallar bütün ağrı və əziyyətlərimizi yandırıb kül edir.