BAKI, 12 mart — Sputnik. Məşhur müğənni Cenifer Lopes 4-cü dəfə ailə həyatı qurmağa hazırlaşır.
Sputnik Azərbaycan-ın Türkiyə mediasına istinadən xəbərinə görə, idmançı Aleks Rodriqes ilə ailə həyatı qurmağa hazırlaşan Cenifer Lopes bu dəfə də bahalı nişan üzüyü ilə gündəmə gəlib. Brilyantının 11-15 karatdan ibarət olduğu ehtimal edilən bu üzüyün qiymətinin 5 milyon dollara alındığı bildirilir.
Qeyd edək ki, Cenifer Lopes yalnız sonuncu evliliyi zamanı barmağına dəyəri milyon dollar olan nişan üzüyü taxmışdı. Müğənninin üçüncü həyat yoldaşı musiqiçi Mark Antoni 4 milyon dollar dəyərində olan 8.5 karatlıq nişan üzüyü ilə Cenifer Lopesə evlilik təklif etmişdi.