BAKI, 11 mart — Sputnik. Ölkəmizin ilk və ən böyük Milli Model müsabiqəsi olan “Miss & Mister Grand Azerbaijan” özünün ikinci mövsümünə start verir.
Sputnik Azərbaycan xəbər verir ki, müsabiqənin çoxdan gözlənilən rəsmi açılış mərasimi 14.03.2019-cu il tarixində doğma Bakının ən möhtəşəm məkanı olan "Enerji"-də baş tutacaq.
Rəsmi açılış mərhələsində seçim turlarını uğurla başa vuran və finala vəsiqə qazanan 15 xanım və 15 bəy mətbuat və ictimaiyyətə təqdim olunacaq.
Açılış tədbiri möhtəşəm rəqs, təqdimat, peşəkar xoreoqrafiya və "After party" hissəsindən ibarət olacaq.
Gecə musiqili qonaqlar, tanınmış simalar və dj-in iştirakı ilə daha da əyləncəli olacaq.
Açılış tədbiri 19:00 da başlayacaq.
Öz seçdiyiniz finalçıya dəstək olun.
Ünvan: Baku Enerji Club Bayraq meydanının yaxınlığı.
Məlumat üçün: +994554084680
Qeyd edək ki, müsabiqənin təsisçisi və təşkilatçısı Elxan Paşayevdir.
Sputnik Azərbaycan “Miss & Mister Grand Azerbaijan” müsabiqəsinin informasiya tərəfdaşıdır.