BAKI, 7 mart — Sputnik. “Atamın o biri ayağı əməliyyat olunmayıb. Hələ ki, əməliyyat olunan ayağının sağalmasını gözləyirik. Yəqin ki, bu proses bir neçə ay çəkəcək. Şəkər xəstəsi olduğu üçün əməliyyat yeri tez sağala bilməz. Əsas odur ki, qanqren dayanıb”.
Bu sözləri Sputnik Azərbaycan-a açıqlamasında Xalq artisti Ramiz Əzizbəylinin qızı Xədicə Əzizbəyli deyib. O atasının digər ayağında vəziyyətin sabit olduğunu bildirib: “Hazırda atam yataqdadır. 24 saat kürəyi üstdə olmaq, yaxud da oturaq vəziyyətdə qalmaq asan deyil. Amma yenə də onu narahat edən bir problem yoxdur”.
Aktyorun qızı atasının tam sağalmamış ayağa qalxa bilməyəcəyini də söyləyib.