BAKI, 5 mart - Sputnik. Ötən il ərzində Azərbaycan Respublikasının xəbərdarlığına məhəl qoymadan işğal edilmiş ərazilərə qanunsuz səfər edən 96 xarici ölkə vətəndaşınının adı “Azərbaycan Respublikasının işğal edilmiş ərazilərinə qanunsuz səfər etmiş xarici ölkə vətəndaşlarının siyahısı”na daxil edilib.
Sputnik Azərbaycan-ın xəbərinə görə, bu barədə Azərbaycan Nazirlər Kabinetinin 2018-ci il üzrə fəaliyyəti haqqında hesabatında qeyd olunub.
Hesabat bildirilir ki, həmin şəxslərin ölkəyə girişinə qadağa qoyulub və onlara münasibətdə Azərbaycan Respublikasının qanunvericiliyində müəyyən edilmiş müvafiq tədbirlər görülüb.
Görülən işlər nəticəsində bir sıra xarici vətəndaşlar Azərbaycan tərəfinə müraciət edərək işğal edilmiş ərazilərə səfər etdiyinə görə üzrxahlıq istəyib. Eyni zamanda, Azərbaycanın suvereünliyi və ölkəmizin qanunverixciliynə bələd olmadığını bildirərək adlarının Xarici İşlər Nazirliyinin tərtib etdiyi siyahıdan çıxarılmasını və ya daxil edilməməsini xahiş ediblər. Ümumilikdə, daxil olmuş müvafiq müraciət və məlumatlar əsasında 2014-2018 illər ərzində 40 şəxsin adı sözügedən siyahıdan çıxarılıb.