BAKI, 4 mart — Sputnik. Türkiyənin paytaxtı Ankarada tarixi Hamamönü Bazarı ərazisində yerləşən binada yanğın olub.
Sputnik Azərbaycan-ın Türkiyə mediasına istinadən xəbərinə görə, yanğın yerli vaxtla səhər saat 05:45 radələrində başlayıb. Restoran və xına evi kimi fəaliyyət göstərən binada yanğın anidən şiddətlənib. Yanğının ətrafdakı digər binalara da keçdiyi bildirilir.
Yanğın nəticəsində ölən və yaralananlar olmayıb.
Alov 2 saat ərzində nəzarətə alınıb. Polis hazırda yanğının baş vermə səbəblərini araşdırır.