BAKI, 27 fevral — Sputnik. Monteneqro Respublikasının Prezidenti Milo Cukanoviçin Azərbaycana səfəri gözlənilir.
Nizami Gəncəvi Beynəlxalq Mərkəzinin mətbuat xidmətindən Sputnik Azərbaycan-a verilən məlumata görə, səfərin məqsədi Nizami Gəncəvi Beynəlxalq Mərkəzinin təşkilatçılığı ilə martın 14-16-da keçiriləcək VII Qlobal Bakı Forumunda iştirak etməkdir.
Milo Çukanoviçin Forumda nitq söyləyəcəyi və səfər çərçivəsində bir sıra görüşlər keçirəcəyi də nəzərdə tutulur.
Xatırladaq ki, forumda dünyanın 70-dən çox ölkəsindən 450 qonağın iştirakı gözlənilir. VII Qlobal Bakı Forumunun mövzusu "Dünyanın yeni xarici siyasəti" olacaq. Tədbirə Monteneqro prezidenti ilə yanaşı, Əfqanıstan, Bosniya və Herseqovina, Albaniya və digər ölkələrin dövlət və hökumət başçıları da qatılacaq.