BAKI, 20 fevral — Sputnik. İŞID-ə qoşulan, terrorçudan hamilə qalan gənc qız İngiltərəyə geri dönmək istəyir. Amma Böyük Britaniya hökuməti onu vətəndaşlıqdan çıxarmaq niyyətindədir. Sputnik Azərbaycan Türkiyə mətbuatına istinadən xəbər verir ki, gənc qızı vətəndaşlıqdan çıxarmaq üçün ailəsinə məktub yazılıb. Begum adlı qız 4 il əvvəl 15 yaşı olan zaman evdən qaçaraq İŞID-ə qoşulub. O, açıqlamasında deyib ki, İŞID-a qoşulduğu üçün peşman deyil.
İngiltərənin Təhlükəsizlik naziri Ben Şallans deyib ki, insan addım atmadan öncə fikirləşməlidir.
Qeyd edək ki, Böyük Britaniyadan Suriya və İraqa gedərək İŞID-a qoşulanların sayı 800 nəfərdən çox olduğu təxmin edilir.