BAKI, 19 fevral — Sputnik. Rusiyanın Saratov vilayətində soyuqdan donmaq təhlükəsi ilə üzləşən azərbaycanlılar xilas edilib. Sputnik Azərbaycan Rusiya mətbuatına istinadla xəbər verir ki, Sızran-Saratov-Volqoqrad yolunun 107-ci km-də, içərisində azərbaycanlıların olduğu avtobusda nasazlıq yaranıb.
Uzun müddət şaxtada qalan azərbaycanlıları xilas etmək üçün əraziyə xilasetmə qrupu göndərilib. Müəyyən olunub ki, nasazlıq yaranmış avtobusda biri 16 yaşlı yeniyetmə olmaqla, 8 nəfər var.
Avtobusda olan həmyerlilərimiz xilas edilərək yaxınlıqdakı kafeyə yerləşdiriliblər.