BAKI, 16 fevral — Sputnik. İsmayıllıda ölümlə nəticələnən yol qəzası baş verib.
Sputnik Azərbaycan xəbər verir ki, İsmayıllının mərkəzində şəhər daxili işləyən avtobus piyadanı vurub. Gənc qadın hadisə yerində ölüb. Qəzada ölən 1994-cü il təvəllüdlü İsmayıllı şəhər sakini, Bağıyeva Nərgiz Asif qızıdır. Gənc qızın İsmayıllı rayon mərkəzi xəstəxanasında operator işlədiyi bildirilir.
Faktla bağlı araşdırma aparılır.