BAKI, 8 fevral — Sputnik. Məşhur moda şirkəti olan "Gucci"nin qara geyimli, qırmızı dodaqlı fərqli dizaynda satışa çıxarılan geyimləri rezonansa səbəb olub.
Sputnik Azərbaycan Türkiyə mətbuatına istinadla xəbər verir ki, bir çoxları şirkətin bu geyimlərlə qara dərililəri alçaltmaq istədiyini deyib. İnsanlar "blackface" adlanan bu maskalarla Afrika əsilli amerikanların təhqir edildiyini iddia ediblər.
"Gucci" isə rezonansa səbəb olan bu geyimə görə üzr istəyib. Şirkət qalmaqalın daha da böyüməməsi üçün yaydığı açıqlamada həmin geyimlərin artıq satışdan yığışdırıldığını bildirib.