Ötən həftə Fransanın iri şəhərlərində yenidən "sarı jiletlilər" hərəkatının etiraz aksiyaları bərpa olunub. Hondurasda isə prezident Xuan Orlando Ernandesə qarşı mitinq və tətil kütləvi iğtişaşlara səbəb olub. Prezidentlərə qarşı etiraz aksiyaları digər Latın Amerikası ölkələrinin iri şəhərlərində də davam edib. Məsələn, Venesuelada insanlar küçələrə çıxaraq hazırkı prezident Nikolas Maduronun istefasını tələb ediblər.
Çində isə Yeni ilə hazırlıq gedir. Çin təqvimi ilə yeni il fevralın 5-də gəlir və bu il 4717-ci il - Sarı Torpaq Donuzu olacaq. Kubanın paytaxtı Havanada isə güclü qasırğa baş verib, 1,2 min bina tamamilə yerlə-yeksan olub.
Dünyanın müxtəlif guşələrindən çəkilən şəkilləri toplayaraq ötən həftə planetimizdə nələrin yaşandığına diqqətinizi çəkmək istəyirik. Dünya informasiya agentliklərinin fotomüxbirlərinin yadda qalan hadisələri və emosional məqamları əks etdirən fotolarını Sputnik Azərbaycanın fotoseçməsində sizə təqdim edirik.