BAKI, 3 fevral — Sputnik. Əfqanıstan prezidenti Əşrəf Qani son 4 ildə ölkəsində ölən təhlükəsizlik xidmətinin əməkdaşlarının sayını açıqlayıb.
Sputnik Azərbaycan-ın Türkiyə mediasına istinadən xəbərinə görə, prezident bu illərdə 45 min işçinin vəzifəsini yerinə yetirərkən dünyasını dəyişdiyini vurğulayıb. Əşrəf Qani İsveçrənin Davos şəhərində keçirilən "49-uncu Beynəlxalq Dünya İqtisadi Forumun"nda belə deyib.
Əfqanıstan hökuməti ilə Taliban arasında olan problemlərin siyasi yola həllinin vacibliyinə diqqət çəkən prezident bu istiqamətdə ABŞ-ın dəstəyindən də danışıb.
"Talibanın əsas yuvası Pakistandır. Bu olaylarda Pakistan təqsirlidir" – deyə Ə.Qani əlavə edib.