BAKI, 31 yanvar — Sputnik. ABŞ prezidenti Donald Tramp xüsusi xidmət orqanlarını İran məsələsində passiv olmaqda ittiham edib. Sputnik AzərbaycanBBC-yə istinadla xəbər verir ki, Tramp xüsusi xidmət orqanlarının İranın nüvə silahı inkişaf etdirmədiyinə dair hesabatlarına qarşı çıxıb.
ABŞ prezidenti deyib ki, xüsusi xidmət orqanlarının əməkdaşları məktəbə geri qayıtsınlar: "Keçən həftə İranda raket sınaqdan keçirilib. Hazırda onların iqtisadiyyatı sarsılır, onları geri sürükləyən yeganə şey də budur. İrana diqqət edin. Bəlkə də, xüsusi xidmət orqanlarının əməkdaşları yenidən orta məktəbə qayıdıb dərs almalıdırlar".
Qeyd edək ki, ABŞ İran ilə imzalanan nüvə müqaviləsindən keçən il imtina edib. ABŞ Mərkəzi Kəşfiyyat İdarəsinin direktoru Dan Coats və digər kəşfiyyat üzrə səlahiyyətlilər Senata təqdim etdiyi hesabatda İranın texniki olaraq nüvə müqaviləsinə əməl etdiyini bildiriblər.