BAKI, 31 yanvar — Sputnik. ABŞ-ın Kaliforniya ştatının Los-Anceles şəhərində küçədə hamının gözü qarşısında inanılmaz olay baş verib.
Sputnik Azərbaycan-ın Türkiyə mediasına istinadən xəbərinə görə, 6 dollarlıq yemək üçün iki qadınla naməlum kişi arasında mübahisə yaranıb. Daha sonra isə yaranan mübahisə davaya çevrilib. Naməlum kişi həmin qadınlara bir neçə yumruq vuraraq onları ağır yaralayıb. Bundan sonra qaçaraq hadisə yerindən ayrılan şəxslə bağlı polisə şahidlər məlumat verib.
Təxminən 30 yaşında olduğu iddia edilən şəxsin axtarışları isə davam edir.