BAKI, 29 yanvar — Sputnik. Ukrayna prezidenti Pyotr Poroşenko bu gün bəyan edib ki, o ikinci dəfə ölkə prezidentliyinə namizəd olmaq niyyətindədir. Bu barədə Sputnik Azərbaycan Rusiya KİV-nə istinadən xəbər verir.
Poroşenko müstəqil namizəd kimi seçkilər qatılacaq.
"Ölkə, keçmiş və gələcək nəsillər qarşısında məsuliyyət hissi məni bir daha Ukrayna prezidenti postuna namizəd olmaq qərarını qəbul etməyə vadar etdi", - deyə Poroşenko qeyd edib.
Qeyd edək ki, Ukraynada prezident seçkiləri 31mart 2019-cu ildə keçiriləcək. İndiyə qədər Ukrayna MSK prezidentliyə 22 nəfərin namizədliyini qeydə alıb.