BAKI, 30 yanvar — Sputnik. Ermənistan parlamentinin müdafiə və təhlükəsizlik üzrə daimi komissiyasının yeni üzvləri, yeni rəhbərliyi çətin ki, bu sahədə olan vəziyyəti dəyişdirsin. Sputnik Azərbaycan "News.am"-a istinadən xəbər verir ki, bunu erməni hərbi ekspert Van Ambartsumyan bildirib.
Onun fikrincə, Ermənistanda qəribə şeylər baş verir: "Belə ki, Qarabağ müharibəsindən keçən və böyük praktiki təcrübəyə malik olan zabitlər tutduğu vəzifədən uzaqlaşdırılır və hətta hərbi xidmətdən kənarlaşdırılır. Onlar yüksək ixtisaslı kadrlardır və onları Müdafiə Nazirliyindən işdən çıxarırlar. Onların döyüş təcrübəsi qiymətsizdir. Onlar Ermənistan ordusunun formalaşdırılmasına qiymətsiz töhfə veriblər. İndi isə onları müvafiq təcrübəsi və müvafiq bilikləri olmayan şəxslərlə əvəz edirlər".