BAKI, 22 yanvar — Sputnik. "Su sayğaclarının quraşdırılması müraciəti" elektron xidməti istifadəyə verilib.
Sputnik Azərbaycan-ın xəbərinə görə, bu haqda “Azərsu” Açıq Səhmdar Cəmiyyəti məlumat yayıb. Məlumatda qeyd olunur ki, istehlakçılara göstərilən xidmətlərin asanlaşdırılması, bu sahədə şəffaflığın və operativliyin təmin edilməsi məqsədilə daha bir yeniliyə imza atılıb. Bununla da "Su sayğaclarının quraşdırılması müraciəti" adlı yeni elektron xidməti istifadəyə verilib.