BAKI, 21 yanvar — Sputnik. Xəbər verdiyimiz kimi, bu gün ilin ilk ay tutulması baş verəcək. Sputnik Azərbaycan-ın Türkiyə mediasına istinadən xəbərinə görə, "Qanlı ay tutulması" adı verilən bu təbiət hadisəsi bir sıra ölkələrdə artıq müşahidə olunur.
Avropanın bir neçə ölkəsində, Afrikanın isə əksər ölkələrində həmin prosesi insanlar izləməyə başlayıblar. "Qanlı ay tutulması"nı Amerika qitəsi ilə yanaşı qonşu Türkiyədə də izləmək mümkün olub.
Astroloqların məlumatına görə, ayın tam tutulması 1 saat 2 dəqiqə davam edəcək, ümumilikdə isə ay tutulması prosesi 5 saat 12 dəqiqəyə reallaşacaq.
Proqnozlara görə, növbəti ay tutulması 2021-ci ildə reallaşacaq.