BAKI, 11 yanvar — Sputnik. Yunanıstanın baş naziri Aleksis Çipras Afinanı ziyarət edən Almaniyanın baş naziri Angela Merkel ilə görüşdə Türkiyənin Avropa Birliyinə qəbul olunması məsələsini müzakirə edib. Sputnik Azərbaycan-ın Türkiyə mediasına istinadən xəbər verir ki, Çipras Türkiyənin Avropa Birliyinə qəbul olunmasına dəstək göstərməyin lazım olduğunu bildirib.
"Türkiyənin üzvlüyü həm türk xalqı üçün faydalı olacaq, həm də bölgədəki sabitliyin bərqərar olunmasında önəmli olacaq" – deyə Çipras əlavə edib.
Merkel isə AB ilə Türkiyə sövdələşməsinə münasibət bildirib: "Avropa Birliyi ilə müəyyən töhfələr verdi. Lakin arzu etdiyimiz gözləntiləri əldə edə bilmədik. Yaranan nöqsanları aradan qaldırmaq üçün Yunanıstanla birgə müəyyən işlər görəcəyik".