BAKI, 10 yanvar — Sputnik. "Apple"in rəhbəri Tim Kuk "iPhone"un ötən ili zərərlə başa vurması ilə bağlı səsləndirilən fikirlərə cavab verib.
Sputnik Azərbaycan-ın Türkiyə mediasına istinadən xəbərinə görə, Kuk "iPhone"un builki satışı ilə bağlı danışıb. "2018-ci il "iPhone"un satışları ilə bağlı şirkətimiz üçün müəyyən dəyər itkisi kimi qiymətləndirildi. Nəticədə, şirkətin hissələri 8/100 dəyər itkisi ilə qarşılaşdı. Bununla əlaqədar olaraq şirkət haqqında xoşagəlməz xəbərlər yayılır, müəyyən narahatlıqlar yaranır. Bunu 2001, 2205-ci ildə də demişəm, yenə də deyirəm ki, narahatlığa heç bir əsas yoxdur" – deyə Tim Kuk bildirib.
Qeyd edək ki, "Apple" şirkəti bir sıra məhsullarla bağlı oktyabr-dekabr aylarındakı proqnozda təxmini gəlirlərin 89-93 milyard dollar aralığından 84 milyard dollara endirdiyini bildirmişdi.