BAKI, 10 yanvar — Sputnik. Laboratoriya nəticələrinə görə Gürcüstanda müşahidə edilən qrip virusunun 98 faizi "donuz qripi"dir.
Sputnik Gürcüstan xəbər verir ki, bu barədə Xəstəliklərə Nəzarət və Xalq Sağlamlığı Mərkəzinin rəhbəri Amiran Gamkrelidze jurnalistlərə açıqlamasında bildirib.
"H1N1–A daha çox yayılan virusun alt tipidir. Gürcüstanda konkret olaraq 14 nəfərin "donuz qripindən" öldüyü müəyyən edilib. Xəstəliklərə Nəzarət və Xalq Sağlamlığı Mərkəzi laboratoriya analizləri apararaq ölkədə hansı virusun yayıldığını müəyəyn etməyə çalışıb. Dünənki günün məlumatına görə, bu il 450 araşdırma aparılıb onlardan 55 faizi, hardasa 230 hal qrip virusudur. Bu 230 halın 98 faizi H1N1 virusudur. Qısası, hazırda ölkədə H1N1 virusu tüğyan edir. Bununla yanaşı, 4-5 faktda H3N2 virusuna rast gəlinib".
Hazırda Gürcüstanda hər 100 min nəfərdən 256 nəfəri xəstəliyə yoluxub.