BAKI, 10 yanvar — Sputnik. Böyük Britaniyanın Avropa İttifaqından çıxacağı ("Brexit") tarix açıqlandı.
Sputnik Azərbaycan "Haber7"ə istinadla xəbər verir ki, Britaniyanın baş naziri Tereza Mey bu ilin martın 29-da ölkəsinin Avropa İttifaqından çıxacağını açıqlayıb.
Qeyd edək ki, ötən günlərdə Tereza Mey "Brexit"in 15 yanvarda parlamentdə səsə qoyulacağını demişdi.
Xatırladaq ki, Britaniyada 2016-cı il 23 iyunda keçirilən referendumda Aİ-dən çıxmaqla bağlı qərar qəbul edilib.