Dubayda 1,5 milyon dollarlıq yaxta batıb

Yaxta batan zaman sahildən 200 metr uzaqlıqda olub.
Sputnik

BAKI, 5 yanvar — Sputnik. Dubayda 1,5 milyon dollar dəyərində olan yaxta batıb. Sputnik Azərbaycan Rusiya mətbuatına istinadla xəbər verir ki, göyərtəsində 11 turist və ekipaj üzvü olan yaxta batıb. Göyərtədə olan şəxslərin hamısı xilas edilib.

Hadisə bazar günü Dubay Marina və Jumeirah Beach Residence rayonları yaxınlığında baş verib.

Məlumata görə, kirayə götürülmüş yaxta deşildiyi üçün batıb. Polis qayığı göyərtədə olan şəxsləri götürüb. Yaxtada turistlər arasında Rusiya vətəndaşları da olub. Yaxta batan zaman sahildən 200 metr uzaqlıqda olub. Hadisə zamanı heç kim xəsarət almayıb.