BAKI, 2 yanvar — Sputnik. Dekabrın 31-də Maqnitoqorskda çoxmərtəbəli binanın girişində qaz sızması nəticəsində baş verən partlayış zamanı ölənlərdən 14 nəfərinin şəxsiyyəti müəyyən edilib. Sputnik Azərbaycan Rusiya mətbuatına istinadla xəbər verir ki, bu barədə şəhər adminsitrasiyasının mətbuat xidmətindən məlumat verilib.
Partlayışdan sonra binanın 1 bloku dağılıb. Son məlumata görə, partlayış zamanı 21 nəfər dünyasını dəyişib. Ölənlərdən ikisi uşaqdır.
Qeyd edək ki, hadisə baş verən binada 120 sakin yaşayır. Son məlumata görə, 5-i uşaq olmaqla 21 nəfərdən hələ də xəbər yoxdur.
Hadisə zamanı xəsarət alan 6 nəfər xəstəxanaya çatdırılıb. Onlardan biri 11 yaşlı uşaqdır. Onun vəziyyəti ağırdır.
Hazırda hadisə yerində Rusiya Fövqəladə Hallar Nazirliyinin əməkdaşları çalışır. Onlar dağıntılar altından cəsədlərin axtraışındadırlar.
Xatırladaq ki, dekabrın 31-də yerli saatla 6.00-da Rusiyanın Moqnitoqorsk şəhərində çoxmərtəbəli yaşayış binasının girişində qaz sızması güclü partlayışa səbəb olub.
Faciə ilə bağlı Azərbaycan Prezidenti İlham Əliyev rusiyalı həmkarı Vladimir Putinə başsağlığı verib.i