BAKI, 27 dekabr — Sputnik. Bakıda dekabrın 31-də və yanvarın 1-də gözlənilən hava proqnozu açıqlanıb.
Ekologiya və Təbii Sərvətlər Nazirliyinin Milli Hidrometeorologiya Departamentindən Sputnik Azərbaycan-a verilən məlumata görə, dekabrın 31-də paytaxtda hava şəraiti dəyişkən buludlu olacaq, əsasən yağmursuz keçəcək, mülayim şimal küləyi əsəcək.
Havanın temperaturu gündüz 6-8, dekabrın 31-dən yanvarın 01-nə keçən gecə 3 dərəcəyə yaxın olacaq.
Yanvarın 01-də gün ərzində mülayim, əsasən yağmursuz hava şəraitinin davam edəcəyi gözlənilir.