Eldar Tanrıverdiyev, Sputnik Azərbaycan
BAKI, 24 dekabr — Sputnik. "Mən ehtiyatlı optimizm hiss edirəm ki, 2019-cu ildə Dağlıq Qarabağ münaqişəsinin nizamlanması üzrə danışqılar prosesi üzrə daha əlverişli atmosfer formalaşdırılacaq".
Sputnik Azərbaycan xəbər verir ki, bunu bu gün Sputnik Azərbaycan Multimedia Mətbuat Mərkəzində keçirilən mətbuat konfransında Rusiya Federasiyasının Azərbaycandakı fövqəladə və səlahiyyətli səfiri Mixail Boçarnikov deyib.
"Bu anlamda mən deyərdim ki, bu il heç nə nəticəsiz qalmayıb. Mən dediklərim üçün əsaslar artıq qoyulub. Siz bilirsiniz ki, münaqişə tərəfləri arasında ən yüksək səviyyədə görüşlər keçirilib. Azərbaycan və Ermənistan xarici işlər nazirləri arasında da görüşlər keçirilib" - səfir bildirib.
Rusiyalı diplomat bu yaxınlarda bu mövzuda Azərbaycan xarici işlər nazirinin məsələ ilə bağlı qiymətləndirməsini eşitdiyini vurğulayıb: "Bilirəm ki, gələn ay daha bir görüş planlaşdırılıb".
Boçarnikov əlavə edib ki, Rusiya belə bir tendensiyanı dəstəkləyir: "ATƏT-in Minsk qrupunun həmsədr ölkəsi kimi biz bundan sonra da belə görüşləri dəstəkləyəcəyik".