BAKI, 8 dekabr — Sputnik. ABŞ-ın Marsda uğurlu eniş edən "InSight" avtomatik planetlərarası stansiyası planetdə küləyin səsini qeydə alıb. “Qırmızı planetdəki” qeydə alınan səs Yer kürəsinə göndərilib.
Sputnik Azərbaycan-ın məlumatına görə, bu barədə NASA-nın direktoru Cim Braydenstayn "Twitter" sosial şəbəkəsində yazıb.
C.Braydenstayn qeyd edib: "İnsanlar bu günə kimi Marsda küləyin səsini eşitməmişdilər! "Mars InSight"ın Marsda qeydə aldığı küləyin səsini dinləyin".