BAKI, 6 dekabr — Sputnik. Ermənistanın baş naziri səlahiyyətlərini icra edən Nikol Paşinyan Rusiyaya səfərə gedib. Sputnik Azərbaycan "Novosti Armeniya"ya istinadən xəbər verir ki, Paşinyan Avrasiya İqtisadi Şurasının iclasında iştirak edəcək.
Avrasiya İqtisadi Şurasının iclası zamanı internet-bazarın tənzimlənməsi siyasəti, şəbəkə texnologiyasının inkişafı, neft satışı üçün ümumi bazarın formalaşması, təbii qaz və neft məhsulları üzrə siyasət də daxil olmaqla, bir sıra məsələlər müzakirə olunacaq.
Nikol Paşinyan bəyan edib ki, Rusiya Prezidenti Vladimir Putinlə təbii qazın qiymətini müzakirə edəcək: "Rusiya prezidenti ilə qaz qiymətləri də daxil olmaqla, bir sıra məsələlər müzakirə olunacaq. Hazırda heç nə deyə bilmərəm, hələlik razılaşmalar yoxdur".