İlham Əliyev yeni təyin olunmuş səfirlərin etimadnaməsini qəbul edib

BAKI, 5 dekabr - Sputnik. Bu gün Azərbaycana yeni təyin edilmiş bir neçə səfir etimadnaməsini Prezident İlham Əliyevə təqdim edib.

Sputnik Azərbaycan Prezidentin rəsmi saytına istinadən xəbər verir ki, İlham Əliyev əvvəlcə Avstriya Respublikasının ölkəmizdə yeni təyin olunmuş fövqəladə və səlahiyyətli səfiri Bernd Aleksander Bayerlin etimadnaməsini qəbul edib. 

Dövlət başçımız daha sonra Koreya Respublikasının ölkəmizdə yeni təyin olunmuş fövqəladə və səlahiyyətli səfiri Kim Tonq Opun etimadnaməsini qəbul edib.

Prezidenti İlham Əliyev, həmçinin Əfqanıstan İslam Respublikasının ölkəmizdə yeni təyin olunmuş fövqəladə və səlahiyyətli səfiri Xeyrullah Spelenayın etimadnaməsini qəbul edib.