BAKI, 2 dekabr - Sputnik. Ermənistan baş naziri vəzifəsini icra edən Nikol Paşinyanı elektrik cərəyanı vurub.
Sputnik Ermənistan xəbər verir ki, hadisə "Mənim addımım" blokunun lideri Sünik vilayətinin Kacaran şəhərində çıxış edən zaman baş verib.
Videogörüntülərdə onun mikrofonu bir əlindən digərinə atdığını aydın görmək olar.
Bundan sonra onun köməyinə mühafizəçiləri gəlib və mikrofonu ştativə bərkidiblər. Bu arada o bir dəfə də mikrofona əlini vurmaq istəyəndə geri atılıb.
Paşinyan yaranmış vəziyyətdən "Mimino" filmindən bir süjet danışmaqla çıxıb.