BAKI, 27 noyabr — Sputnik. Dünyanın 20 zənginindən biri Alibaba Grupun yaradıcısı Cek Ma komunist partiyasına daxil olub. Sputnik Azərbaycan xəbər verir ki, bunun nə zaman baş verdiyi məlum olmasa da, Manın adı partiyanın "islahat və açıqlığı inkişaf etdirənlər" adlı 100 nəfərlik siyahısında yer alıb.
Manın özü isə buna şərh verməkdən imtina edib. Ancaq eyni zamanda "Alibaba Group"dan verilən açıqlamada bildirilib ki, rəhbərliyin siyasi mənsubiyyəti işgüzar qərarların verilməsinə heç bir təsir etməyəcək.
Forbes-in məlumatlarına əsaslansaq, Manın var-dövləti 35,8 milyard dollardır.