BAKI, 24 noyabr — Sputnik. İsveçin Kiranu şəhərində qəribə hadisə baş verib.
Sputnik Azərbaycan Türkiyə mətbuatına istinadən xəbər verir ki, evlərin birində ayaqyolunda unitazdan boa ilanı çıxıb. Kişi ilanı görən kimi qışqırıb və ilantutanları köməyə çağırıb. İlantutanlar gələrək ilanı unitasdan çıxarıblar.
İsveç soyuq iqlimli ölkə olduğundan ilanla bağlı bu olay təəccüblə qarşılanıb. Ehtimal olunur ki, ilan qonşuluqda kiminsə evdə saxladığı heyvandır.