BAKI, 22 noyabr - Sputnik. Türkiyənin ədliyyə naziri Əbdülhəmid Gül Azərbaycana gəlib. Sputnik Azərbaycan "Report"a istinadən xəbər verir ki, o, səfər çərçivəsində Azərbaycan rəsmiləri ilə görüşəcək, iki ölkə arasındakı əməkdaşlığın mövcud vəziyyətini və gələcək perespektivlərini müzakirə edəcək.
Ə.Gül Azərbaycanın ədliyyə orqanlarının yaradılmasının 100 illiyi münasibətilə keçirilən tədbirlərə qatılacaq.
Qeyd edək ki, noyabrın 20-də Türkiyə Respublikası Silahlı Qüvvələrinin Baş Qərargah rəisi, ordu generalı Yaşar Gülerin rəhbərlik etdiyi nümayəndə heyəti də Azərbaycana səfər etmişdi. Y.Güler dünən Azərbaycanın müdafiə naziri general-polkovnik Zakir Həsənov və Gürcüstan Silahlı Qüvvələrinin Baş Qərargah rəisi general-mayor Vladimer Çaçibaianın iştirakı ilə keçirilən üçtərəfli görüşdə iştirak etmişdi.