BAKI, 19 noyabr — Sputnik. İspaniyanın Kanar adalarında qorxunc olay yaşanıb. Sputnik Azərbaycan-ın Türkiyə mediasına istinadən xəbərinə görə, adanın Mesa del Mar adlanan qəsəbəsində qalxan güclü dalğa buradakı hotellərdən birinə güclü ziyan vurub.
Məlumata görə, dalğalar 12 metr hündürlükdə olub. Olay nəticəsində isə hotelin eyvanlarının daha çox zərər çəkdiyi bildirilir. Baş vermiş hadisə ilə əlaqədar olaraq ölən və yaralananların olmadığı deyilib.
Qeyd edək ki, güclü dalğanın qalxması ilə əlaqədar olaraq 67 evə giriş qadağan olunub, 39 nəfər isə təxliyyə edilib.