BAKI, 16 noyabr — Sputnik. Türkiyədə Şırnak vilayətinin Uludərə rayonunda hərbi baza ərazisində partlayış olub.
Sputnik Azərbaycan "Haber7"ə istinadla xəbər verir ki, partlayış nəticəsində bir əsgər şəhid olub, 4 əsgər yaralanıb.
Partlayış atış təlimi zamanı baş verib.
Vertolyotla xəstəxanaya aparılan yaralı əsgərlərdən birinin vəziyyətinin ağır olduğu bildirilir.